குழந்தை எழுத்தாளர்

Wednesday 16 January 2013

அனுமாரும் அணிலாரும்

அனுமாருக்கும் வாலதிகம்

அணிலாருக்கும் வாலதிகம்

அதனால்தான் ராமாயணத்தில்

அவ்விருவருக்கும் பேரதிகம்

அனுமார் அரிய பணி செய்தார்

அணிலார் ஆன பணி செய்தார்

ஆனால் ராமர் இருவரையும்;

அகிலம் புகழும்படி செய்தார்!

புலி ஆடு புல்கட்டு

புலி ‡ஆடு‡ புல்கட்டு

மூணையும் படகில் ஏற்றிக்கிட்டு

ஆற்றைக் கடக்கணும் வெங்கட்டு

ஆனா படகிலே இடத்தட்டு

புலி‡ஆடு‡புல்கட்டு

எதுவோ ரெண்டை இட்டுகிட்டு

போனா இல்லே இக்கட்டு

போட்டான் திட்டம் வெங்கட்டு

ஆட்டையும் புலியையும் விட்டுட்டு

அங்கட்டுப் போனா இங்குட்டு

ஆட்டை வரிப்புலி தின்னுப்புடும்!

ஆட்டையும் புல்லையும் வெச்சுட்டு

அங்குட்டுப் போனா இங்குட்டு

ஆடு புல்கட்டை மேஞ்சப்புடும்

இங்குட்டுப் புல்கட்டை வெச்சுட்டு

ஆட்டையும் புலியையும் இட்டுகிட்டு

ஆற்றைக் கடந்தான் வெங்குட்டு

அங்குட்டுப் புலியை விட்டுட்டு

கட்டை மட்டும் இட்டுகிட்டு

இங்குட்டு வந்தான் வெங்குட்டு

இப்போ ஆடு ‡ புல்கட்டு

ரெண்டையும் படகில் ஏற்றிகிட்டு

ஆற்றைக் கடந்தான் வெங்குட்டு!

புலி‡ஆடு‡புல்கட்டு

மூணையும் ஊர் கொண்டு சேர்த்துட்டு

படகைத் துறையிலே கட்டிட்டு

பசிச்சுச் சாப்டான் வெங்குட்டு!

படுக்கப் போனானோ எங்குட்டு?

லெமன்

1 comment:

prabakaran17 January 2013 at 04:49
LEMON has dished out two recepies (rhymes) in his own flavour.
- PRAbAKARAN, Writer.
ReplyDelete
Replies

Add comment

Subscribe to: Post Comments (Atom)

எழுதிய புத்தகங்கள்

நேரம் நல்ல நேரம் எழுத்தாளருக்கும் குழந்தை இலக்கிய உலகுக்கும் நல்ல நேரம்- எழுத்தாளர் பொன்னீலன் சிறுவர் இலக்கியமென்றால் போதனை செய்கிற நீதி இலக்கியம் என்ற போக்கிலிருந்து விலகி புதிய பாதையில் பயணித்த நூல்.

வண்ணத்துப்பூச்சி சொன்ன கதை சிறுவர் சிறுகதைத் தொகுப்பு

காரண, காரிய அறிவோடு சிந்திக்கும் திறன் பிள்ளைகளுக்கு இருந்தால்போதும், அவர்கள் சரியாக வளர்வார்கள் என்ற கருத்தின் அடிப்படையில் குழந்தைகளின் மனதைப் பதிவு செய்திருக்கும் கதைகளின் தொகுப்பு.

கிண்டி வந்தாச்சா? - சிறுவர் சிறுகதைத் தொகுப்பு

தந்தை பெரியாரின் கதை

1996 இல் வெளிவந்த நூல். "எளிய சொற்கள், தெளிவான வாக்கிய அமைப்பு, எளிதில் புரிந்திடும் மொழிக் கட்டுமானம், இவை இவரின் சிறப்பு. இந்நூலைத் தமிழ்க் குழந்தைகள் எளிதில் படித்து ரசிக்கும் வண்ணம் அழகாக உருவாக்கியுள்ளார்" நாவலாசிரியர் பொன்னீலன்

தொகுப்பு நூல்: பாரதி குழந்தை இலக்கியம்

பாப்பா பாட்டைத் தவிர பாரதி குழந்தை இலக்கியம் எதையும் படைக்கவில்லை என்று நினைக்கிறார்கள். உண்மையில் பாரதி எழுதிய குழந்தை இலக்கியங்கள் அதிகம். அவற்றைச் சிறப்பாகத் தொகுத்தளிக்கும் நூல்.

நாடக நூல்கள்

சமத்துவபுரம், பஞ்சதந்திரக் கதை நாடகங்கள், ஈசாப் கதை நாடகங்கள், தெனாலிராமன் கதை நாடகங்கள், மரியாதை ராமன் கதை நாடகங்கள், பீர்பால் கதை நாடகங்கள், பரமார்த்தக்குரு கதை நாடகங்கள், கடலும் குருவியும் நாடகங்கள் - இவற்றில் சில படிப்பதற்கான நாடகங்கள் மட்டுமில்லை, நடிப்பதற்கான நாடகங்களும் கூட.. சமத்துவபுரம் நாடகம் பள்ளி மாணவர்களால் நடிக்கப்பட்ட நாடகம்.

சிறுகதைத் தொகுப்பு - ஒரு கூண்டுக்கிளிக்கு சிறகு முளைக்கிறது

தாமரை, செம்மலர், தீபம், சிகரம், கணையாழி, தினமணி கதிர் ஆகிய இதழ்களில் எழுதி வெளிவந்த கதைகளின் தொகுப்பு. சமுதாயத்தில் உள்ள அநீதிகளை வெளிப்படுத்தும் இக்கதைகள், அதற்கான ஒரு சமுதாய மாற்றத் தேவையை ஆர்ப்பாட்டமில்லாமல் உணர்த்துபவை.

குறுநாவல் தொகுப்பு - இன்னொரு ஈடன் தோட்டம்

நான்கு குறுநாவல்களின் தொகுப்பு. இத்தொகுப்பில் இடம்பெற்றுள்ள இன்னொரு ஈடன் தோட்டம் குறுநாவல் கணையாழி குறுநாவல் போட்டியில் பரிசு பெற்றது. ஜெனரல் ஆஸ்பத்திரி செம்மலரிலும், தீர்க்கதரிசிகள் தினமணி கதிரிலும் வெளிவந்தவை.